Axis Kazbegi

ეს იყო პირველი ობიექტი, სადაც საცხოვრებელ ფართებთან ერთად დიდი რაოდენობით კომერციული და საოფისე ფართები შეიქმნა, რის წყალობითაც Axis-მა ეს მიმართულებები ქართულ დეველოპმენტში აქტიურად დანერგა. შენობის ცენტრში მდებარეობს სავაჭრო ცენტრი „აქსის შოპინგ ცენტრი“, სადაც მრავალი ბრენდის მაღაზიაა განთავსებული. შენობა გამორჩეულია ორიგინალური არქიტექტურით: ყაზბეგის გამზირზე ცალმხრივი მოძრაობის გათვალისწინებით, ფასადი მოძრაობის ნაკადის საპირისპიროდ მახვილი კუთხეებით იშლება, რაც კომპლექსის შიდა სივრცეებს ქუჩიდან ხილვადს ხდის და ნაგებობას ექსპრესიულობას ანიჭებს. მინა და ანარეკლები დინამიკურობას მატებს, კონტრასტული ფერები კი ფორმებს უსვამს ხაზს.