Compass Makhata

„Compass Makhata“-ის მშენებლობა 2026 წლის I კვარტალში დასრულდება. ბინა მყიდველებს „მწვანე კარკასის“ მდგომარეობაში ჩაბარდება, ცხელი წყლითა და გათბობით, რომელსაც ცენტრალური გათბობის სისტემა უზრუნველყოფს. მაცხოვრებლები ბინამდე მიყვანილ ოპტიკურ-ბოჭკოვან და CAT6E-FTP კაბელებს დახვდებათ. მათ ასევე ექნებათ შესაძლებლობა, წინასწარ დამონტაჟებულ გაყვანილობაზე ავსტრიული ჭკვიანი სახლის სისტემა დააინსტალირონ.

ბინები პროექტში „Compass Makhata“ იდეალურია ახალგაზრდა წყვილებისა და ოჯახებისთვის, რადგან პროექტი მოიცავს ბინებს 40-დან 75 კვადრატულ მეტრამდე ფართობით. კომპლექსის დაცვას და უსაფრთხოებას უზრუნველყოფს 24-საათიანი ვიდეომეთვალყურეობა, ხოლო შიდა ეზოში მდებარე ბაღს პროფესიონალი მებაღე მოუვლის. პროექტი ასევე საინტერესოა მაღალი საინვესტიციო ღირებულებით – პირველი და მიწისქვეშა სართულები იდეალურია კომერციული ფართებისთვის, როგორიცაა მაღაზიები, კაფეები და ოფისები. გარდა ამისა, კომპლექსი შენდება დედაქალაქის ისტორიულ, ტურისტულად მიმზიდველ ნაწილში, რაც ზრდის როგორც მოკლევადიანი, ასევე გრძელვადიანი გაქირავების პოტენციალს.

საერთო სარგებლობის სივრცეების (ჰოლი, კიბის უჯრედი, დერეფნები, ლიფტი, გათბობის სისტემა) რეგულარული მოვლა-პატრონობა და დასუფთავება; ეზოს გამწვანება და მოვლა; საერთო სარგებლობის სივრცეების განათება; გათბობის სისტემისა და ელექტროგენერატორის მონიტორინგი და მოვლა-პატრონობა; სახანძრო უსაფრთხოების სისტემის მომსახურება; 24/7 დაცვისა და კონსიერჟის მომსახურება; ტექნიკოსის მომსახურება (კონდიცირების, ელექტროობის, სანტექნიკის) მოთხოვნის შესაბამისად.

"Compass Makhata" მდებარეობს ძველ თბილისში, ყველა ძირითად ისტორიულ ღირსშესანიშნაობასთან ახლოს. ის წმინდა სამების საკათედრო ტაძრიდან სულ რამდენიმე წუთის სავალზეა და ახლოსაა ისეთ ადგილებთან, როგორიცაა მეტეხის ეკლესია, რიყის პარკი, ღვინის აღმართი და სხვა ტურისტული ატრაქციები. გარდა ამისა, კომპლექსი მეტროსადგურ „ავლაბრიდან“ სულ რაღაც 3 წუთის სავალზეა. ის ასევე ადვილად მისადგომია სხვა საზოგადოებრივი ტრანსპორტით. რამდენიმე წუთის სავალზე მცხოვრებლებს შეუძლიათ ისიამოვნონ კაფეების, ბარების და როგორც ქართული, ასევე ევროპული რესტორნების ფართო არჩევანით.